افغانستان اهالی‌سیدن کوپ قطاری کوپینچه اقتصادی قیین‌چیلیک سبب مملکت‌نی ترک قیلگنی بیرحالده، هر کونی یوزدن آرتیق عایله ایران و پاکستان دن چیقریله‌دی.
طالبان سۉزلاوچیسی اۉرین‌باسری حمد‌الله فطرت بوگون اکس صحیفه‌سیده، بیر کونده ۹۵۵ کیشی‌نینگ جبری شکلده ایران و پاکستان دن چیقریلگنی‌نی یازگن.
اونگه کۉره، ۱۵۹ عایله‌دن عبارت اوشبو کیشیلر اۉتگن کونی تورخم، اسپین‌بولدک، پل ابریشم و اسلام‌قلعه چیگره قتناو یۉللری آرقه‌لی مملکت‌گه قیتریلگنلر.
طالبان دایم چیگره‌لرده قاچقینلرگه بیر قطار یاردم بیریلگنی‌نی بیان قیلگنی بیلن، لېکن قاچقینلردن کوپینچه‌سی مذکور یاردملرنینگ یېترلی بۉلمه‌گنی همده اقتصادی معمالر و باش‌پنه‌سیزلیک قیین‌چیلیکلری بیلن روپه‌ره بۉلگنلرینی بیان قیلگنلر.
