طالبان امر بالمعروف و نهی عن‌المنکر وزیری خالد حنفی، اوشبو وزیرلیک مسئوللری و خادملریدن، کونده‌لیک ایشلرده هر قنده‌ی تعصب‌دن اۉزاق بۉلیب، اهالی بیلن یخشی و مسلکی یانده‌شیلیش‌نی اېسته‌گن.
اوشبو وزیرلیک بوگون بیر بیانات آرقه‌لی یازیشیچه، حنفی بو موضوع‌لرنی امر بالمعروف و نهی عن‌المنکر وزیرلیگی مسئوللری و خادملری بیلن اۉتکزیلگن اصلاحات‌گه عاید ییغیلیش‌ده بیان قیلگن.
امر بالمعروف و نهی عن‌المنکر وزیری، اداری نظم‌‌نی رعایت قیلیش، ایشلرنی یخشی شکلده بجریش همده یشاوچیلر بیلن اسلامی قاعده-قانون اساسیده یانده‌شیلیش‌گه اورغو بېرگن.
اونینگ کوپه‌یتیریشیچه، توزیم دایره‌سیده هر قنده‌ی قوم و تیل‌گه عاید تعصب همده مناسبتلردن اوزاق بۉلیش و اهالی معمالری‌گه اۉز وقتی‌ده یېچیم تاپیش کېره‌ک.
نیچه کون آلدین افغانستانده بیرلشگن ملتلر تشکیلاتی نماینده‌لیگی یا ده «یوناما» ترقه‌تگن حساباتیده، طالبان امر بالمعروف و نهی عن‌المنکر محتسبلری آرقه‌لی ۴۴۳ کیشی‌نینگ قۉلگه آلینگنینی معلوم قیلینگنی بیرحالده، شهر سطحی‌ده یۉریب و یشاوچیلر تیریکچیلیگی‌نی نظارت قیلیش مقصد طالبان‌نینگ امر بالمعروف و نهی عن‌المنکر وزیرلیگی تامانیدن کابل ده اۉز محتسبلری‌گه ۱۰۰ ته موترسایکل ترقه‌تیلدی.
