چین باشکېنتی پکن شهریده چین خلق‌ارا ایش بیلرمانلیک توریزیمی کۉرگزمه‌سی اۉز ایشینی باشله‌دی.
آذرتاج خبریگه کۉره، دنیانینگ تورلی اۉلکه‌لر قتنشه‌یاتگن اوشبو کۉرگزمه‌ده، آذربایجان توریزم دفتری، اۉلکه توریز یۉنه‌نلیشینی وکیللیک قیلووچی اوچ ته کمپنی همده «آذربایجان هوا یۉللری» همکارلیکده قتنشماقده.
قتنشووچیلر آذربایجان‌نینگ توریزم امکانیتلری، خلق‌ارا تدبیرلرینی تشکیل اېتیش صلاحیتی و چین بازاری بیلن همکارلیک استقباللرینی نمایش اېتماقده.
سی‌آی‌ام‌اکس ۲۰۲۶- ایش بیلرمانلیک اوچره‌شوولری، کنفرانسلر، کۉرگزمه‌لر و رغبتلنتیرووچی سیاحتلرنی قمره‌ب آلگن خلق‌ارا (MICE) پلتفورمی دیر. اونده تورلی اۉلکه‌لرنینگ توریزم تشکیلاتلری، تدبیر تشکیلاتچیلری، سیاحلیک کمپنیلری و هوا ترانسپورت ساحه‌سی وکیللری قتنشه‌دی.
آذربایجان هیاتی‌نینگ کۉرگزمه‌ده قتنشیشدن اساسی مقصد اۉلکه‌نی خلق‌ارا ایش بیلرمانلیک توریزیم یۉنه‌لیشی صفتیده تینتیش، چین توریزم بازاری بیلن ینگی همکاریک علاقه‌لرینی اۉرنه‌تیش و ایکّی دولت توریزم ساحه‌سی وکیللری اۉرته‌سیده‌گی مناسبتلرنی یوکسلتیریش دیر.
شونینگدېک، آذربایجان وکیللری چین کمپنیلری بیلن اوچره‌شوولر اۉتکزیب، ینگی توریزم محصولاتلرینی یره‌تیش، ایش بیلرمان گروه‌لرنی جلب اېتیش، خلق‌ارا تدبیرلرنی تشکیل قیلیش و اوزاق مدتلی همکارلیک مسله‌لرینی محاکمه قیلماقده.
