قزاقستان‌نینگ آستانه شهریده، مرکزی آسیا و اردن مملکتلری‌نینگ دولت رهبرلری اۉرته‌سیده «عقبه جریانی» دایره‌سیده‌گی ییغین اۉتکزیلدی.
اوشبو ییغینده، اۉزبېکستان جمهور باشلیغی شوکت میرضیایف، قزاقستان جمهور باشلیغی قاسم جومرتوقایف، تورکمنستان جمهور باشلیغی سردار بیردی محمدوف، تاجیکستان جمهور باشلیغی امامعلی رحمان و اردن پادشاه‌سی ایکّینچی عبدالله اشتراک اېتدی.
ییغینده، ترورچیلیککه قرشی کوره‌ش مساله‌لری محاکمه قیلینگنی معلوم قیلینگن.
شونینگدېک، بو ییغینده، یَسمه آنگ بیلن باغلیق جنایتلر و خلق‌ارا همده منطقوی همکارلیکلر مساله‌لری خصوصیده هم فکر المشتیریلگن.
بو شوندی بیرحالده دیر که بوندن آلدین، دنیا کۉپلب مملکتلری طالبان حاکمیتیده بۉلگن افغانستاننی ترورچیلیک تهدیدلری منبعلریدن بیری دېب خواطر بیلدیریب کېلماقده.
