افغانستان ایشلری بۉییچه بیرلشگن ملتلر تشکیلاتی مخصوص وکیلی اورین‌باسری برونو لمارکی‌نینگ ایتیشیچه، طالبان‌نینگ قدرت گه اېریشگنیدن کېین، کینگ کولملی حقوقی چېکلاولر آره‌سیده آغیرلشیب باره‌یاتگن انسانی انقراض‌گه دوچ کېلماقده.
لمارکی بو موضوع‌نی اۉتگن کون جمعه، نیویارکده بیان قیلیب و کۉپه‌یتیریشیچه، ۲۰۲۷-ییل‌ده افغانستانده انسانپرورلیک یاردملرگه بۉلگن احتیاج‌نینگ کۉپه‌یشی کوتیله‌دی.
اونگه کۉره، خاتین-قیزلرگه قرشی طالبان چېکلاولری اولرنینگ تعلیم، ایش، عمومی خذمتلردن فایده‌لنیش و اجتماعی حیات‌ده اشتراک اېتیش امکانیتلرینی کیسکین چېکلب قۉیگن.
لمارکی‌نینگ ایتیشیچه، خاتین-قیزلرنینگ اساسی حقلریگه نسبتن طالبان چېکلاولری دوامی، افغانستان‌نینگ خلق‌ارا مقیاسده‌گی یکّه‌لنیشی‌نی کوچه‌یتیره‌دی.
شونینگدېک افغانستان ایشلری بۉییچه بیرلشگن ملتلر تشکیلاتی مخصوص وکیلی اورین‌باسری، سۉنگی بیر ییل ایچیده افغانستان بۉیلب ۷۰۰ ته دستلبکی طبی یاردم مرکزی یاپیلگنینی بیان قیلگن.
او، بو وضعیت عاقبتلری «جوده‌یم آغیر» بۉلیشیگه تاکیدلب، خلق‌ارا همجمعیت‌نی افغانستاندن یوز اوگیرمسلیگینی سۉره‌گن.
