تورکیه و ایران چیگره‌سیده‌گی حدودده افغانستان‌لیک سکیز قاچقین‌نینگ جسدی تاپیلگن.
یېتکرمه‌لرده ترقه‌لگن خبرلر اساسیده، تورکیه ده افغانستان‌لیک قاچقینلر انجمنی اوشبو سکیز یاش‌نینگ اۉلیمینی تصدیقله‌گن.
ایتیلیشچه، حاضرگچه تورکیه‌نینگ وان شهریده حیات کیچیره‌دیگن افغانستان‌لیکلرگه جسدلرنی تانیب آلیش یا-ده کۉریش اوچون کسل‌خانه گه باریشگه رخصت بېریلمه‌گن.
شونینگدېک شنبه کونی ۱۶-عقرب، تورکیه یېتکرمه‌لریدن قطاری بو مملکت‌نینگ وان شهری یوکاری‌تولگالی منطقهسی یقینیده سکیز کیشی‌نینگ جسدی تاپیلگنیدن خبر بېرگن.
یېتکرمه‌لر قربانلرنینگ کېملیگی‌نی معلوم قیلمه‌ی و اولرنینگ جسدلری ایران چیگره‌سیدن تخمینا اوچ کیلومتر اۉزاقلیکده تاپیلگنینی ایتگن.
