افغانستان آزادلیک جبهه‌سی، کابل شهریده طالبان گه قرشی اویوشتیرگن هجومیده اۉچ طالب هلاک و باشقه ایکی طالب یره‌لنگنینی ادعا اېتگن.
مذکور جبهه ایکس صحیفه‌سیده بیر پیام نشر قیلیب ایتیشیچه، اوشبو هجوم 13- قوس دوشنبه کیچه کابل شهری نینگ بیشینچی ناحیه‌سیده‌گی کمپنی منطقه‌سیده جایلشگن طالبان نینگ بیر چک پاینتی اوستیده اویوشتیریلگن.
آزادلیک جبهه‌سی بو هجوم کیچه ساعت 6:40 اطرافیده اویوشتیریلگنینی بیلدیرگن.
طالبان بو گروه گه قرشی جبهه‌لرنینگ هجومی توغریسیده فکر بیلدیرمه‌یدی.
هوا ساووق بولیشی بیلن طالبان گه قرشی جبهه‌لرنینگ هجومی کۉپه‌یگن. سۉنگی کونلرده آزدالیک جبهه‌سی کابل، پروان، کاپیسا، بغلان و لغمان ولایتلریده بونگه اۉخشه‌گن نیچه هجوم اویوشتیرگن ایدی.
