خلق ارا کیچیریم تشکیلاتی نینگ ایتیشیچه خلق ارا جنایت محکمه‌سی (ICC) ۲۰۲۱- ییلدن آلدین طالبان و افغانستانده‌گی باشقه عملدارلر تامانیدن صادر اېتیلگن جنایتلر قربانلری اوچون عدالتنی مهملشتیریشی و تیزلشتیریش کېره‌ک.
خلق ارا کیچیریم تشکیلاتی (۱۵- قوس چهارشنبه کونی) بیر گزارش نشر قیلیب ایتیشیچه، خلق ارا جنایت محکمه‌سیگه اعضا مملکتلرنینگ ییللیک ییغینی دسامبرنینگ ۴-دن 14- سیگچه نیویارک‌ده اۉتکزیلیشی کوتیله‌دی.
اونده تشکیلات نینگ افغانستان بۉییچه تېکشیرووی سېزیلرلی یوتوقلرگه اېریشیش طلب اېته‌دی، بو حقده آچیق و شفاف معلومات بېریش کېره‌ک.
«خلق ارا حقوق بۉییچه صادر اېتیلگن جنایتلر اوچون جزاسیزلیک مدنیتی افغانستان‌ده دېیرلی یریم عصرلیک ماجرالر طفیلی کېنگ ترقیلگن» دېدی خلق ارا تشکیلات جنوبی آسیا منطقه‌وی مدیری اسمریتی سینگ.
اونینگ سۉزلریگه کۉره، (ICC) نینگ اۉتگن ییل تېرگاونی دوام اېتتیریش تۉغریسیده‌گی قراری خلق ارا حقوق بۉییچه مینگلب جنایتلر قربانلریگه عدالت، حقیقت و توان پولی آلیشلری اوچون حقیقی امید بغیشله‌گن بۉلسه – ده خلق ارا جنایت محکمه‌سی اۉز مجبوریتلرینی بجریشده قطعی بۉلیشی ضرور.
عین حالده بوندن آلدین هم خلق ارا کیچیریم تشکیلاتی و حقوقدانلر کمیسیونی خلق ارا جنایت محکمه‌سیدن طالبان نینگ افغانستانلیک خاتین – قیزلر برابرده‌گی تبغیضگه یۉلنتیریلگن سیاستلرینی «بشریتگه قرشی جنایت» اولراق تېکیشیریشنی ایسته‌گن اېدیلر.
بوندن نېچه وقت آلدین انسان حقوقلری تشکیلاتی اۉزی نینگ ینگی بیر گزراشیده طالبان نینگ افغانستانده‌گی علمدارلری بشریتگه قرشی جنایت و خاتین –قیزلرگه قرشی جنسی آزار و اذیتگه مرتکب بۉله‌دیلر دېب ایتگن اېدی.
