امریکا خزانه‌دارلیک وزیرلیگی نینگ اعلامی اساسیده، افغانستان نماینده‌لر کینگشی نینگ سابق باشلیغی میررحمان رحمانی و اونینگ اوغلی همده، افغانستان نماینده‌لر کینگشیده کابل ملت وکیلی اجمل رحمانی و اولرگه تیگیشلی 44 شرکت و نهاد نی کېنگ فساد گه نقش‌لری بۉلگنی اوچون تحریم قیلگن.
بوکون (دوشنبه 20- قوس) امریکا خزانه‌دارلیک وزیرلیگی بیر اعلامیه ترقه‌تیب ایتیشیچه، مذکور کیشیلر اوشبو وزیرلیک نینگ تشقی سرمایه‌لرنی کنترول قېلیش دفتری آرقه‌لی تحریم اېتیلگن.
بو وزیرلیک اعلامیه‌سیده کېلیشیچه، رحمانی افغانستانده شرکتلر آرقه‌لی قیین مالی فساد ریجه‌سی یۉلگه تشله‌گن که بو افغانستان سابق حکومت حربیلریدن حمایت قیلیش خصوصیده‌گی امریکا نینگ شرطنامه‌لریدن میلیونلرچه دالرنی اۉغیرله‌نیشی گه سبب بۉلگن.
اوشبو وزیرلیک نینگ کۉپه‌یتیریشیچه، رحمانی افغانستان سابق امنیتی کوچلری نینگ شرطنامه‌لریده ساخته‌کارلیک، نفت بهاسی یالغان بیر شکلده کۉتاریلیشی و یانغین ماده‌لرنی مالیات بیرمسدن بازارده ساتیش عیبلاولری بیلن یوزمه‌یوز دیر.
امریکا خزانه‌دارلیک وزیرلیگی نینگ اعلامی اساسیده، رحمانی افغانستان نماینده‌لر کینگشیده یۉل تاپگنیدن کېین، فساد نی دوام اېتیریش اوچون اۉز لوازملریدن ناتوغری فایده‌لنگن.
