ژاپن‌لیک بېسبالچی شوهی اوتانی، «لس آنجلس داجرز» بیلن اۉن ییللیک شرطنامه امضاله‌دی. شرطنامه گه کۉره، بېسبالچی بو مدت ایچیده 700 میلیون دالر ایشلب آله‌دی.
بو کېلیشوو سپورت تاریخیده اېنگ ییریک کېلیشووگه اَیلندی. حاضرگه قدر هېچ بیر پروفیشنل سپورتچی بونده‌ی قیمت شرطنامه امضالمه‌گن.
اوتانی درآمد بۉییچه لیونل مسی نینگ «بارسلونا» بیلن بۉلگن شرطنامه‌سینی (2017-2021) آرتده قالدیردی. مسی، اۉتگن تۉرت موسومده بارسلوناده تخمینن 647 میلیون دالر درآمد قیلگن.
اوتانی ایکّی مرته امریکا لیگه‌سیده موسوم نینگ اېنگ یخشی بېسبالچیسی دېب تانېلدی.
او 2013 دن 2017 گچه ژاپن پروفیشنل لیگه‌سیده اۉینه‌گن و 2016 ده ژاپن قهرمانی تانېلگن و 2017 ییلگی موسومدن سۉنگ «داجرز» صفیگه قتنشگن.
2023 ییلده اوتانی کېتمه-کېت ایکّی مرته اېنگ قیمت اۉینچی مکافاتی نی قۉلگه کیلتیرگن بېسبال عالی لیگه‌سی تاریخیده بیرینچی اۉیینچی تانېلدی.
