چهارشنبه کونی پاکستان اوشبو دولت کابینه‌سی، افغانستانلیک مهاجرلرنینگ چیقیشی توغریسیده‌گی قانون نی اۉزگرتیرگنینی اعلام قیلدی.
ینگی لایحه اساسیده، ویزا یا هم قانونی حجتی بۉلمه‌گن افغانستالیک مهاجرلر، 400 دالر جریمه تۉلش بیلن اوشبو اۉلکه‌دن چیقه آله‌دیلر. بو رقم سابق 830 دالر اېدی.
خبرلر اساسیده، پاکستان معلومات وزیرلیگی سرپرستی مرتضی سولنگی، اسلام‌آباد ده اۉتکزگن خبری بیر ییغینده ایتیشیچه، انوارلحق کاکر رهبرلیگیده مذکور مملکت کابینه‌سی، حجتی بۉلمه‌گن افغانستانلیک مهاجرلرگه پاکستان‌دن چیقیش خره‌جتی نی 830 مینگ دالردن 400 دالر گه کمه‌یشی خصوصیده قرار آلگن.
شونینگدېک پاکستان معلومات وزیرلیگی سرپرستی نینگ ایتیشیچه، ینگی لایحه نی کیله‌جک ییل 29- فبروری گچه اعتباری بار. اونینگ ایتیشیچه، اوشبو مهلت یکونلنگنیدن کېین، 800 دالر گه ییتیشگونگه قدر، هر آی 100 دالر جریمه مذکور مبلغ که کۉپه‌یتیریله‌دی.
بوندن آلدین پاکستان حکومتی ویزاسی بۉلمه‌گن افغانستانلیک مهاجرلرگه 430 دالر بدلیده اوشبو مملکت هواقونالغه‌سیدن قانونی بیر شکلده اۉچیش اوچون رخصت بیرردی.
پاکستان حکومتی نینگ اوشبو قرار افغانستانلیک مهاجرلرنی انتقال بېره‌دیگن غربی اۉلکه‌لرنینگ عکس‌العمل‌لریگه روپه‌رو بۉلگن اېدی.
کۉرینیشیچه، غرب نینگ باسیملری بیلن پاکستان حکومتی اوشبو مبلغ نی 400 دالر گه کمه‌یتیرگن.
