پنج‌شنبه کونی بیرلشگن ملتلر تشکیلاتی‌نینگ خوفسیزلیک کېنگشی بیر قطعنامه تصویب قیلیب، طالبان نظارتیده‌گی افغانستان دنیا خوفسیزلیگی و تینچلیگی اوچون بیر تهدید بۉلگنینی اَیتدی.
اوشبو کېنگش گه کۉره، افغانستانده مخدره‌ماده سوداگرلیگی «ترورچیلیک گروهلرنینگ پول منبع‌سی» دیر که بو دنیا خوفسیزلیگی نی تهدید قیله‌دی.
بیرلشگن ملتلر تشکیلاتی‌نینگ خوفسیزلیک کېنگشی (23- قوس) پنج‌شنبه کونی «خلق‌ارا ترورچیلیک و افغانستان» خصوصیده بیر قطعنامه تصویب قیلدی. اوشبو قطعنامه‌ده ایتیلیشیچه، افغانستانده کۉکنار ېتیشتیریش کمه‌یگن، لېکن «ترورچیلیک گروهلر و نادولتی اۉیینچیلرنی مخدره ماده تجارتی و افغانستان طبیعی منبعلریدن ناتوغری فایده‌لنیش» گه قۉلی بار.
مذکور کېنگش‌نینگ کۉپه‌یتیریشیچه، شونینگدېک اوشبو گروهلر افغانستان خوفسیزلیگی و برقرارلیگی اوچون بیر تهدید دیر.
دنیا مملکتلری اینیقسه اورته آسیا، نېچه مرته افغانستاندن ترورچیلیک گروهلر فعالیتی کینگه‌یگنی توغریسیده آگاه‌لنتیرگن اېدی.
امریکا تشقی ایشلر وزیرلیگی تامانیدن جاری آیده نشر اېتیلگن ییل‌لیک گزارشده، افغانستان قۉشنی‌لری اوشبو مملکتدن ترورچیلیک تهدیدلر حقیده جدی خواطرگه ایکنلیکلرینی بیلدیریلگن اېدی.
