سوریه پایتختیده ایران «سپاه پاسداران» یوقاری مرتبه‌لی قومندانلریدن بیری رضی موسوی‌نینگ هلاک اېتیلگنیدن کېین، اوشبو مملکت رسمیلریدن قطاری انتقام آلیشلری خصوصیده اسراییل نی آگاه‌لنتیرگن.
ایرنانینگ گزارشی اساسیده، رضی موسوی، 25- دسامبر دوشنبه، اسراییل تامانیدن اۉیوشتیریلگن هوایی هجومده، سوریه پایتختی دمشق‌ده هلاک اېتیلگن.
«سپاه پاسداران» بیر بیانیه ترقه‌تیش بیلن، موسوی‌دن «تجربه‌لی» بیر حربی و سوریه‌ده «مقاومت جبهه‌سینی قۉللب-قوتلش مسوولی» دېب ایسله‌گن.
سپاه پاسداران و شونینگدېک ایران‌نینگ باشقه یوقاری مرتبه‌لی رسمیلری، بو حادثه حقیده اسراییل نی عیبلب و «اسراییل تاوان بېریشی ممکن» دېب یازیشگن.
ایران جمهور رییسی ابراهیم رییسی هم اسراییل‌نینگ تاوان بېریشی خصوصیده آگاه‌لنتیرگن.
شونینگدېک ایران دولتی‌نینگ سوزلاوچیسی، ایکس‌ده بیر پُست ترقه‌تیش بیلن اسراییل‌دن انتقام آلیش خصوصیده اوشبو مملکت نی تهدید قیلگن.
بو بیرینچی مرته اېمس دیر که، ایران‌نینگ حربیلریدن بیری سوریه‌ده هلاک اېتیله‌دی، سابق‌لرده هم ایران یوقاری مرتبه‌لری قومندانلری شامل اوشبو مملکت‌نینگ قطار حربیلری سوریه‌ده هلاک اېتیلگن اېدی.
