لغمان‌ده طالبان خوفسیزلیک قۉمندانلیگی‌نینگ ایتیشیچه، اوشبو ولایت‌نینگ «علی‌شینگ» اولوسواللیگی‌ده والیبال اۉیینی چاغی ایکی عایله اعضالری آره‌سیده یوزبېرگن جنجل عاقبتیده، 4 کیشی جان بېرگن.
لغمان‌ده طالبان خوفسیزلیک قۉمندانلیگی سۉزلاوچیسی یونس یوسف‌زی نینگ ایتیشیچه، مذکور آتیشمه اۉتکن کون (چهارشنبه، 27- جدی) علی‌شینگ اولوسواللیگی‌نینگ «نورام» قیشلاغیده یوزبېرگن.
یوسف‌زی گه کۉره، نصیراحمد اسملی بیری والیبال اۉیینی چاغیده باشقه بیر عایله‌نینگ بیر اعضاسی بیلن لفظی تارتیشیب و کېین اېسه اولرنی اۉققه توتیب، تۉرت کیشی‌نینگ اۉلدیرگن.
لغمان‌ده طالبان خوفسیزلیک قۉمندانلیگی سۉزلاوچیسی‌نینگ ایتیشیچه، اوشبو گروه حربیلری تېزلیکده حادثه محلیده ېیتیشیب و نصیراحمدنی قۉلیده‌گی قورالی بیلن اوشلب آلگن.
یوسف‌زی نینگ کۉپه‌یتیریشیچه، قۉلگه آلینگن شخص جرمی‌نی بۉینیگه آلگن و دستلبکی تدقیقات‌دن کېین عدلی و قضایی اداره‌لرگه تاپشیریله‌دی.
