طالبان حکومتی نینگ مدافعه وزیرلیگی، بو وزیرلیک هیاتی اۉزبېکستان چېگره کوچلری نینگ قومندانی حسن اوف سلیم جان بیلن اوچره‌شگنیدن خبر بېرگن.
ایتیلشیچه، طالبان نینگ ۲۰۹ قول‌اردوسی قومندانی رحمت الله محمد ییتکچیلیگیده بۉلگن بو هیات، اۉزبېکستان حربی‌لری بیلن اۉزبېکستان و افغانستان آره‌سیده‌گی چېگره‌ده اوچره‌شگن.
دیمک بو اوچره‌شوو، اوتکن کون شنبه، ۲۱ – دلو بۉلیب اوتگن.
طالبان مدافعه وزیرلیگی تامانیدن ترقه‌تیلگن یازمه بیانات‌گه اساس، اوشبو اوچره‌شووده، ایکی مملکت آره‌سیده چېگره مسئله‌لری خصوصیده‌گی موضوعات‌لر محاکمه اېتیلگن.
