افغانستان‌ده قویاش ۱۳۹۲ – ییل‌دن بۉیان حاضرگچه حوت آیی نینگ ۲۷ – کونی، ژورنالیست‌لر ملی کونی اوله‌راق نشان‌لنیب کیلماقده.
افغانستان تقویمی‌ده ژورنالیست‌لر اوچون بیر کون اجره‌تیلیشیدن مقصد مملکت‌ده ژورنالیست‌لردن حمایه قیلیش همده سۉز ایرکین‌لیگینی کوچه‌یتیریش دیر.
بیراق افغانستان‌ده ایسلب اوتیلگن مقصد ژورنالیست‌لر اوچون بیر کون اجره‌تیلیشیدن ۱۰ ییل‌دن کوپراق زمان اۉتماقده بۉلسه‌ده، بو مملکت‌ده جاری سیاسی وضعیت باعث، ژورنالیست‌لر و یېتکرمه‌لر وضعیتی خواطرلی حالده توشیب قالگن.
اۉتگن ایکی ییل ایچیده، طالبان حکومتی کوپلب چیکلاولرنی ژورنالیست‌لر همده یېتکرمه‌لر برابریده یره‌تگن و بو آره‌ده کوپلب یېتکرمه‌لر تورلی سبب‌لر باعث، اۉز فعالیت‌لرینی تۉخته‌تیشگه مجبور بۉلگن.
شونینگدېک، اۉتگن ییل جریانیده ایرکین میدیالرنی حمایه قیلووچی نهادی یا ده «نی» هم افغانستان‌ده اۉز فعالیت‌نی تۉخته‌تیشگه مجبور بۉلدی.
بۉنگه قوشیمچه، اۉتگن ایکی ییل جریانیده اۉنلرچه ژورنالیست طالبان حکومتی تامانیدن حبسگه آلینگن و کوپنچه‌لری هم کلتک‌لنگن.
مذکور چیکلاولرگه علاوه حاضر افغانستان‌ده ژورنالیست‌لر اطلاعات‌گه ییترلیچه قول تاپمسلیک همده طالبان باسیمی باعث ایشلری اوستیده سانسور یره‌تیش کبی قیینچیلیکلر بیلن یوز مه یوز دیر.
شوندی بیرحالده، طالبان حکومتی نینگ سۉزلاوچیسی ذبیح الله مجاهد ژورنالیست‌لر ملی کونی مناسبتی بیلن بیر پیام ترقه‌تیب، بو کون‌نی اولرگه تبریک‌له‌گن.
مجاهد ژورنالیست‌لر ایش‌لرینی حکومت بیلن خلق‌نی بیر بیراویگه باغلش‌گه اونملی دېب بهاله‌گن.
