اۉزبېکستان جمهور باشلیغی شوکت میرضیایف، بو مملکت خوفسیزلیک اداره‌لری رهبرلری جمله‌دن اۉزبېکستان ایچکی ایشلر وزیرلیگی رسمی‌لری بیلن اۉزبېکستان خوفسیزلیگی کوپراق تامین‌لنیشی خصوصیده مجلس اوتکزگن.
روسیه‌ده یوز بېرگن داعش گروهی نینگ هجومی آرتیدن اۉرته‌گه کیلگن منطقه‌ده‌گی ترورچیلیک خواطری کوچلنگن بیرحالده، اۉزبېکستان حکومتی بو مملکت خوفسیزلیک وضعیتی خصوصیده ینگی چاره-تدبیرلرنی کورماقده.
اۉزبېکستان جمهور باشلیغی بو مملکت خوفسیزلیک رسمی‌لری بیلن اوتکزگن مجلسی‌ده، فقرا گوجوم بۉلگن بازارلر و باغ‌لر کبی مکان‌لر خوفسیزلیگی خصوصیده کوپراق تدبیرلر آلینیشیگه تاکید قیلگن.
اۉزبېکستان‌لیک «کون-اوز» یېتکرمە‌سی نینگ گزارشی اساسیده، بو مجلس‌ده اۉزبېکستان ایچکی ایشلر وزیرلیگیگە جماعت ترتیب‌نی سقلش بۉییچه بۉلگن تدبیرلرنی ینهده کوچه‌یتیریش همده اهالی گوجوم بۉله‌دیگن جای‌لرده صادر اېتیلیشی ممکن بۉلگن ترورچیلیک حرکت‌لری و باشقه فوق‌العاده وضعیت‌لرنی آلدینی آلیش وظیفه‌سی بېریلگن.
ایتیش کېرە‌ک که مسکو شهریده‌گی اخیرگی قورالی هجوم که بو هجوم عاقبتیده کمیده ۱۴۰ کیشی هلاک بۉلدی، منطقه‌‌ده عصیانچیلیک مساله‌لری بۉییچه بۉلگن دقت‌لرنی ینهده کوپه‌یتیرگن.
