هندوستان تشقی ایشلر وزیرلیگی اوشبو مملکت یشاوچیلریدن ایران و اسرائیل گه سفر قیلمسلیک‌لری نی سۉره‌گن.
هندوستان تشقی ایشلر وزیرلیگی بیر اعلامیه ترقه‌تیش بیلن ایتیشیچه: «منطقه‌ده سۉنگی وضعیت و اوزگریشلر نی نظر گه آلیش بیلن، هندوستان یشاوچیلری ایران و اسرائیل مملکت‌لری گه سفر قیلمه‌سینلر.»
شونینگدېک بو اعلامیه‌ده کېلیشیچه، مذکور ایکّی مملکت‌ده بۉلگن هندوستان یشاوچیلری اۉز معلومات‌لری نی اوشبو مملکت‌لرده‌گی هندوستان نینگ ایلچی‌خانه‌لریده رویخط گه اۉتکزیب و نیاز بۉلمه‌گنی پیتده، تشقری گه چیقمسلیک‌لری نی ایسته‌گن.
شونده‌ی بیرحالده، سوریه نینگ دمشق شهری‌ده ایران قنسول‌گرلیگی اسرائیل هوایی هجومی آستیده قرار تاپگنی‌دن کېین، ایران‌لیک رسمی‌لری بو دولت گه هجوم جوابی حقیده آگاه‌لنتیرگن.
ینگی بیر مورد‌ده اېسه، اۉتگن جمعه کونی ایران تامانیدن قوللب-قوتلنه‌دیگن شبه‌نظامی دېب نام‌لنگن حزب‌الله لبنان گروهی بیر بیانیه آرقه‌لی ایتیشیچه، اسرائیل مملکتی نینگ شمالی گه ۵۰ راکت آتگن دیر.
بو بیلن بیرگه، امریکا جمهور باشلیغی جو بایدن اۉتگن کون آق سرای‌ده بۉلگن خبری بیر ییغین‌ده ایتیشیچه، اینگ یقین‌ده ایران تامانیدن اسرائیل گه هجوم بۉلیشی ممکن.
شونینگدېک اونینگ کۉپه‌یتیریشیچه، امریکا اسرائیل دن حمایت قیلیب و بو مملکت‌دن دفاع قیلیش گه یاردم بیره‌دی.
