بدخشان‌نینگ کمیده ایکی اولسواللیگی یشاوچیلری اینقسه بو اولسواللیکلرنی اۉزبېکلری، اۉتگن کونلر جریانیده طالبان‌گه قرشی توردیلر
درایم و ارگو تومن یشاوچیلری، طالبان کوچلرینی شخصی حریم‌لریگه باستیریب کېریش همده تعصب‌گه عیب‌لب، طالبان‌گه قرشی توردیلر.
درایم و ارگو بۉلگن خلق ناراضلیکلری، طالبان دوریده مثالی بۉلمه‌گن ناراضلیک نمایش اېدی چونکه اولر طالبان‌دن غضب‌لنیب، بو حاکمیت‌گه قرشی جدی شعار بېردی‌لر.
بو ترتیب‌سیزلیک درایم تومنی «قرلق» قشلاق یشاوچیلرینی اویی‌گه طالبان کېریب کېلیشی و اوندن کیین بۉلگن ناراضلیک نمایش‌ده طالبان کوچلری تامانیدن بیر کیشی اوققه توتیب اولدیریلیشی و ینه ایکی کیشی یره‌لنیشیدن کیین باشلندی.
قرلق قشلاق‌دن باشلنگن بو ناراضلیک نمایش، تیزلیک بیلن داریم تومن‌نینگ کمیده ۱۵ قشلاغیده کینگه‌یدی و اۉتگن کون اېسه ارگو تومن یشاوچیلری هم خودی شوندی ناراضلیک نمایشلرنی یۉلگه قوییب، قۉل‌لریده بار تیاق و امکانیت بیلن طالبان‌گه قرشی توردیلر.
ارگو تومن یشاوچیلری طالبان نی کوکنارنی بهانه قېلیب، اۉزبېک‌لر اوستیده باسیم کېلتیریش‌گه عیب‌له یدلر.
ارگو تومن یشاوچیلریدن بیرینی اۉزبېک تی‌وی گه ایتیشیچه: “بو کوکنار جنجلی اېمس، بلکیم پشتون طالب‌لرنی اۉزبېک‌لر اوستیده باستیریب کېلیشی دیر، اولر کوکنار بهانه مردم‌نی شخصی حریم‌گه هجوم قېله‌دیلر.”
دیمک بو جنجل‌لر کوکنار اېکیلیشی اوستیده بۉلگن، اهالی‌دن ایریمی قشاقلیک همده طالبان تامانیدن بدیل ایکین ترقه‌تیلمه‌گنی باعث کوکنار اېکیش‌گه یوز کېلتیرگن.
شوندی بۉلسه هم، ارگو و درایم اولسواللیکلریده‌گی اهالی، کوکنار اوچون هیچ قندی قیینچیلیکلر یۉق بلکیم اولرنی ناراضلیکلری شخصی حریم‌لریگه حرمت قایل بۉلینمس‌لیگی دېب، اورغولب کېلماقده‌لر.
عینی حالده، طالبان بو جنجل‌لرگه ییتیشیش اوچون بیر هیات تعین‌لنگنینی اعلان قېلگن.
طالبان سۉزلاوچیسی ذبیح الله مجاهد بو خصوصده بیر بیانات ترقه‌تیب، اوشبشو هیات بو حاکمیت حربی کوچلر باش قومندان فصیح الدین فطرت ییتکچیلیگیده بۉلگنینی معلوم قېلگن.
طالبان بو هیات‌نی تعین‌لنیشی و هیات‌نی بورچی خصوصیده بېرگن تفصیلاتیده، بوتونله‌ی کوکنار اېکیلمسلیگی توغریسیده اورغولنگن.
اوشبو بیانات‌ده، طالبان اهالی نینگ شخصی حریم‌لری نقض اېتیلیشی و طالبان تامانیدن عادی اهالی اۉلدیریلیشیگه هیچ قنده‌ی تفصیلات بېریلمه‌گن.
