اسلامی همکارلیکلر تشکیلاتی نینگ نوبتده‌گی ییغینی اداغیده ترقه‌تیلگن قطعنامه‌سی نینگ بیر بۉلیمی افغانستان خصوصیده قره‌تیلگن.
دیمک اوشبو تشکیلات نینگ ۱۵ – دور ییغینی بۉلمیش بو ییغین، اۉتگن ایکی کون جریانیده، گامبیا مملکتی نینگ پایتختی بانجول شهریده یۉلگه قوییلگن اېدی.
بو ییغین یکونی‌ده ترقه‌تیلگن قطعنامه‌ده، افغانستان‌ده برچه شامل حکومت قوریلیشی، انسان حقلری اینقسه خاتین-قیزلر حقلری نظرگه توتیلیشی، مخدره ماده‌گه قرشی کوره‌شیلیشی همده افغانستان‌ده خوفسیزلیک و عصیانچیلیک مساله‌لری جدی آلینیشی اورغولنگن.
شونینگدېک، بو تشکیلات اۉزینی قطعنامه‌سیده تینچ و برقرار بیر افغانستان‌دن حمایه‌سینی اعلان قېلیب، طالبان‌دن حکومت‌لریده اۉزگریش کېلتیریش‌نی سۉره‌گن.
دیمک، بوندن ایلگری اسلامی همکارلیکلر تشکیلاتی باش کاتبی افغانستان بیلن علاقه‌لری دوامیدن خبر بېریب، افغانستان اوچون بۉلگن انسان‌پرورلیک یاردملر دوامینی خواهله‌گن اېدی.
