بغلان ولایتی‌دن بۉلگن محلی منبع‌لرنی اعلان قیلیشیچه، بو ولایت‌ده حاضرگه قدر سوو تاشقین‌لر عاقبتیده جان بېرگنلر جسدلرینی تاپیش جریانی یکونلنگن اېمس.
دیمک، اوشبو سوو تاشقینلری صادر بۉلیشیدن بیر کیچه و کندوز اۉتگن بۉلسه‌ده بیراق حاضرگه قدر بوتون جسدلر تاپیلیب، عایله‌لریگه تاپشیریلگن اېمس.
اوشبو سبب حاضرگه قدر بو حادثه قربان‌لری نینگ تولیق رقمی اعلان اېتیلمه‌گن.
طالبان نینگ طبیعی حادثه‌لر ایشلری بۉییچه وزیرلیگی بو حادثه‌لر عاقبتیده جان بېرگنلرنی دستلبکی رقم‌نی ۵۸ کیشی اعلان قېله‌دی.
بیراق، بیرلشکن ملتلر تشکیلاتی تامانیدن ترقه‌تیلگن معلومات‌گه اساس، بو حادثه‌لر عاقبتیده یالغیز بغلان ولایتیده ۳۰۰ کیشی جان بېرگن.
