ترکیه و یونان مملکت‌لری بو ایکی مملکت ارا مناسبت‌لر یخشی‌لنیشی اوچون ایجابی آدیم کوتارماقده.
اوشبو مقصد اۉتگن کون دوشنبه، ۲۴ – ثور ترکیه مملکتی، یونان باش وزیری کیریاکوس میتسوتاکیس‌نی کوتیب آلدی.
دیمک، ترکیه و یونان مملکت‌لری تاریخ ایچیده بیر بیراولری بیلن دایم یخشی مناسبت‌ده بۉلمه‌گن.
حاضر یونان باش وزیری نینگ ترکیه‌ده‌گی بو سفری و ترکیه جمهور باشلیغی رجب طیب اردوغان بیلن اوچره‌شیشی، قوشنی بو ایکی مملکت آره‌سیده تورلی ساحه‌لرده همکارلیکلر آشیشیگه باعث بۉلیشی کوتیله‌دی.
ترکیه حکومتی تامانیدن ترقه‌تیلگن معلومات‌گه اساس، ترکیه و یونان رهبر، عصیانچیلیککه قرشی کوره‌شیلیشی، سیاسی علاقه‌لر کینگه‌یتیریلیشی همده ایکی مملکت آره‌سیده‌گی سوداگرلیک رقم ۶ میلیارد دالردن ۱۰ میلیارد دالرگه قدر آشیشی خصوصیده کیلیشگنلر.
