بیرلشکن ملتلر تشکیلاتی نینگ رواجلنیش دستوری، افغانستان‌ده تدبیرکارلر عیاللر ایشلری وضعیتی خصوصیده بیر گزارش ترقه‌تیب، معلوم قیلیشیچه، اوشبو عیاللر ایش‌لرینی دوامی کوپلب قیینچیلیکلر بیلن یوز مه یوز دیر.
بیرلشکن ملتلر تشکیلاتی نینگ بو اداره‌سی همده، افغانستان‌ده ایش شرایطگه ماس عیاللر جمله‌سیدن یالغیز ۶ فایزی ایش بیلن تامین‌لنگن و اخیرگی ییللر ایچیده ایش‌سیزلیک عیاللر آره‌سیده ایکی برابر کوپهیگن دېب معلوم قیلگن.
بو تشکیلات مذکور گزارش‌نی کمیده ۳۱۰۰ تدبیرکار عیال بیلن اوتکزگن صحبت‌لریدن تیارلگن.
مذکور گزارش‌گه کۉره، تدبیرکار عیاللر مالی یاردملرگه ییترلیچه قۉللری یۉق همده طالبان نینگ ایریم چیکلاولری اولرنی ایشلری دوامینی خواطرده قویگن.
بو تشکیلات‌نی آرتیق‌لشیچه، اوشبو گزارش‌ده نظری آلینگن ۳۱۰۰ تدبیرکار عیال جمله‌سیدن 41 فایزی ایشلری دوامی اوچون قرضه سۉره‌گن اېکن که بو جمله‌دن یالغیز بیش فایزی اوشبو یاردم‌گه قۉل تاپگن.
