سرپل ولایتیدن کېلگن معلومات‌لرگه کۉره، بو ولایت نینگ ایریم تومن‌لری جمله‌دن کوهستانات تومنیده سوو تاشقین‌لری صادر بۉلیب، زیان‌لرنی اورته‌گه آلیب کېلگن.
سرپل ولایتیده طالبان محلی حکومتی نینگ اعلان قیلیشیچه، اۉتگن کون بو ولایت نینگ کوهستانات تومنیده کېلگن سوو تاشقین‌لری کوپلب مالی زیان‌لرگه باعث بۉلگن.
ایتیلیشیچه، اوشبو واقعه عاقبتیده یوزلرچه جریب ییر اېکینزارلری تخریب بۉلیب، شونینگدېک کوپلب یشش اوی، سوو توغان‌لری و کوپریکلر ویران بۉلگن.
کوهستانات تومنی‌گه قوشیمچه، سنچارک، صیاد و بلخاب تومن‌لریده سوو تاشقینی صادر بۉلگن.
حاضرگه قدر بو ولایت‌ده سوو تاشقینی جانی قربان‌لیکلری خصوصیده انیق معلومات بېریلگن اېمس.
