بیرلشکن ملتلر تشکیلاتیگه تېگیشلی خلق‌ارا آذیق-آوقت دستوری ینگی‌لیکده بیر گزارش ترقه‌تیب، دنیا بۉیلب آذیق-آوقت خوفسیزلیگی خصوصیده معلومات بېرگن.
بو تشکیلات تامانیدن ترقه‌تیلگن معلومات‌گه اساس، میلادی ۲۰۲۴ – ییل جریانیده، دنیا بۉیلب ۳۰۹ میلیون انسان آذیق-آوقت خوفسیزلیگیگه یوز مه یوز دیر.
خلق‌ارا آذیق_آوقت دستوری بو خصوصده بۉلگن گزارش‌نی، بوکون یکشنبه، ۳۰ – ثور ترقه‌تگن.
بو گزارش‌گه کۉره، دنیا بۉیلب ۴۵ مملکت فقرالریدن شکل‌لنگن ۴۳ میلیون انسان آچلیک‌دن کۉره آغیرراق وضعیت‌گه قرار تاپکن.
خلق‌ارا آذیق-آوقت دستوری، دنیا بۉیلب آچلیک رقمی کوپه‌یشی سبب‌لرینی، اقلیم اۉزگریشی، اوروش‌لر و تارتیشوولر، قشاق‌لیک و کرونا ویروس ترقه‌لیشی دېب، اعلان قیلگن.
ایتیش کېره‌ک که افغانستان هم قشاق‌لیک باعث، آذیق-آوقت خوفسیزلیگی کوپه‌یگن مملکت‌لردن بیری دیر.
