قندهار ولایتیدن بۉلگن معلومات‌لرگه اساس، بو ولایت مرکزیده جایله‌شگن «ایستگاه کابل» منطقه‌سیده پارتلش یوز بېرگن.
طالبان نینگ قندهار ولایتیده‌گی محلی رسمی‌لری، ایریم یېتکرمه‌لرگه بو حادثه عاقبتیده بیر کیشی اۉلگنی و ینه اۉچ کیشی یره‌لنگنینی تصدیق‌لگن.
بیراق معلومات‌لرگه کۉره، بو پارتلش هجوم‌نینگ قربان‌لری رقمی کوپ دیر.
بوکون اېرته‌لب ساعت ۷:۳۰ اطرافیده صادر بۉلگن بو هجوم طالبان نینگ حربی کوچلرینی مقصدگه آلگنی معلوم قیلینماقده.
ایتیلیشیچه بو هجوم طالبان نینگ ۲۰۵ البدر قول اردوسیگه تېگیشلی تخنیکی بیر تیم‌نی نشان‌گه آلگن.
ایتیش کېره‌ک که بوندن بیر نیچه آی ایلگری هم داعش گروهی قندهار ولایتیده طالبان کوچلریگه قرشی پارتلش اویوشتیرگن اېدی.
