بیرلشکن ملتلر تشکیلاتی باش کاتبی نینگ سیاسی ایشلر بۉییچه اۉرین باسری روزمیری دیکارلو کابلگه سفر قیلیب، طالبان نینگ ییریک رسمیلری بیلن اوچرهشدی.
بیرلشکن ملتلر تشکیلاتی نینگ بو مقامی طالبان رسمیلری بیلن بۉلگن اوچرهشوولریده، افغانستانگه انسانپرورلیک یاردملر همده کېلهسی دوحه ییغینی خصوصیده سۉزلهشگن.
طالبان تامانیدن ترقهتیلگن بیاناتگه اساس، بیرلشکن ملتلر تشکیلاتی باش کاتبی نینگ اۉرین باسری، طالباندن دوحهنینگ کېلهسی دور ییغینیده قتنهشیشینی سۉرهگن.
دیمک، بیرلشکن ملتلر تشکیلاتی نینگ بو مقامی، کېلهسی دوحه ییغیننی افغانستان اوچون مهم اوقیگن.
بیراق طالبان رسمیلری بو ییغینده قتنهشیشلری اوچون طلبلری نظرگه توتیلیشی خواهلهگن.
ایتیش کېرهک که طالبان دوحه نینگ اۉتگن دور ییغینیده اوشبو طلبلری نظرگه توتیلمهگی باعث قتنهشگن اېمس اېدی.
