بیرلشکن ملتلر تشکیلاتیگه تېگیشلی، خلقارا آذیق_آوقت دستوری افغانستانده اخیرگی ایکی هفته ایچیده یوز بېرگن سوو تاشقینلری ۸۰ مینگ کیشینی زیانلنتیرگنیدن خبر بېردی.
بو تشکیلات تامانیدن ترقهتیلگن بیاناتگه اساس، افغانستانده سوو تاشقینلریدن زیان کورگن کیشیلر وضعیتیگه ییتیشیش اوچون ۱۴.۵ میلیون دالر بودجهگه ضرورت دیر.
اوشبو تشکیلات تامانیدن یېتکرمهلر بیلن شریک اېتیلگن بیاناتده، سوو تاشقینلری باعث افغانستان اهالیسی آرهسیده آچلیک کوپهیشی معلوم قیلینگن.
ایتیش کېرهک که سوو تاشقینلری افغانستان نینگ ایریم ولایتلری جملهدن، بغلان، فاریاب و غور ولایتلریده کوپلب زیانلرگه باعث بۉلدی.
