طالبان نظارتی آستیده بۉلگن افغانستان مرکزی بانکی تامانیدن، بیر هیات مالیزیا مملکتیگه سفر قیلدی.
افغانستان مرکزی بانکی بیر بیانات ترقه‌تیب اوشبو سفر دن خبر بېرگن و معلوم قیلیشیچه بو هیات مالیزیا مملکتی تامانیدن رسمی چقیریلگن.
دیمک، طالبان نظارتی آستیده بۉلگن افغانستان مرکزی بانکی، بو هیات اوشبو سفری جریانیده، خلق‌ارا بیر ییغین‌ده اشتراک اېتیشینی معلوم قیلگن.
طالبان مرکزی بانکی تامانیدن ترقه‌تیلگن بیانات‌گه اساس، اسلامی مملکتلر مرکزی بانکلری چقیریلگن بو ییغین‌ده، اسلامی بانکدارلیک‌نی رواجلنتیریش یۉللری قیدیریله‌دی.
طالبان شوندی بیرحالده بو کبی ییغین‌لرگه هیات یوبارماقده دیر که بو حاکمیت حاضرگه قدر هیچ بیر مملکت تامانیدن رسمی تَن آلینمه‌گن.
