جوزجان ولایتی نینگ سابق حاکمی جمعه خان همدرد، قولی آستیدهگی عسکرلریگه، عادی اهالیگه قرشی جنایت قیلیشلری و بو اهالینی اوققه توتیشگه بویروغ بېرگن اېدی.
دیمک بو واقعه، اۉزبېک خلقیگه قرشی قویاش ۱۳۸۶- ییل جوزا آیی نینگ ۷- کونی یوز بېریب، اونگه اۉنلرچه عادی اهالی اۉلیب و یرهلنگن اېدی.
اوشبو واقعهدن، کیین جمعه خان همدرد نه یالغیز محاکمه اېتیلیب، جوابگرلیککه تارتیلدی، بلکیم اونینگ اوچون دولتی حمایهلر دوام اېتیب، ینهده بویوک لوازملرده ایشلریگه دوام بېردی.
بو واقعە یوز بېرگنیدن کیین، انسان حقلرینی سقلش تشکیلاتی هم بو خصوصده بیر حسابات ترقهتیب، جمعه خان همدرد تامانیدن انسان حقلری نقض اېتیلگنی همده جنایت صادر بۉلکنی معلوم قیلینگن اېدی.
بو تشکیلات حساباتیده، عادی اهالینی اوققه توتیلیشیگه بویروغ بېرگن جمعه خان همدرد جوابگرلیککه تارتیلیشی سورهلگن اېدی.
بیراق حامد کرزی ییتکچیلیگیده بۉلگن حکومت بو ایستهکلرگه قرشی عمل قیلیب، اوشبو جنایتگه بیفرق بۉلدی.
