اسراییل نینگ رفح شهریدهگی باشپناه ایزلاوچیلر اوستیده بۉلگن اۉلیملی هجومی خلقارا تنقیدلرنی اورتهگه آلیب کېلگن.
معلوماتلرگه کۉره، اۉتگن یکشنبه کیچه اویوشتیریلگن اسراییل نینگ بو هجومی عاقبتیده، کمیده ۴۵ کیشی جملهدن عیاللر و بالهلر اۉلیب و باشقه بیر قنچه کیشی یرهلنگن.
فرانسه جمهور باشلیغی امانول مکرون همده اروپا اتفاقنینگ تشقی سیاستلر مسوول جوزپ بورل بو هجومنی قارهلب، اوندن حیرتلنگنینی بیلدیرگن.
عینی حالده، ترکیه جمهور باشلیغی رجب طیب اردوغان، بو هجوم اسراییل کابینهسینی دهشتلی یوزینی کورسهتدی دېب، هجومنی قارهلگن.
شونینگدېک، کانادا مملکتی هم بو هجومدن خواطر بیلدیریب، فلسطینلیکلر اوچون وقتینچهلیک ویزا صادر قیلیشینی معلوم قیلگن.
اوشبو واکنشلر دوامیده، بوکون سهشنبه، بیرلشکن ملتلر تشکیلاتی خوفسیزلیک کېنگشی تامانیدن بو هجوم خصوصیده شاشیلینچ بیر ییغین اوتکزیلیشی ریجهلشتیریلگن.
