طالبان ییریک رسمی‌لری، کابل‌ده اصناف (دکاندارلر و کسبه‌کارلر) سالیغیده معافیت بېریلیشیی و تخفیف اېتیلیش، نامی آستیده اوتکزیلگن خبری بیر ییغین‌ده، اصناف سالیغیده معافیت نظرگه توتیلگنیدن خبر بېردی.
طالبان‌نی ادعا قیلیشیچه، جمهوریت تیزیمی دوریده ۱.۵ فایز بۉلگن اصناف سالیغی ۰.۳ فایزگه قدر آزه‌یگن.
طالبان باش وزیری نینگ اداری اۉرین باسری عبدالسلام حنفی‌گه کۉره، ییل ایچیده ۲ میلیون افغانی‌گه قدر ساتووی بۉلگن اصناف‌لر سالیغ توله‌شدن معاف دیر.
بیراق بو قرارگه اساس، عایدی ۲ میلیون‌دن آشگن اصناف‌دن ۰.۳ فایز مالیه آلینه‌دی.
طالبان رسمی‌لری، مالیه کوپ آلینیشیدن بۉلگن شکایت‌لر جدی تیکشیریلیشیدن ایشانچ بېرە‌دی.
طالبان شوندی بیرحالده، خصوصی سکتور اوستیده‌گی سالیغ‌لر آزه‌یگنیدن خبر بېرماقدە دیر کە بوندن ایلگری بو توغریدە کوپلب شکایت‌لر موجود اېدی.
