طالبان حاکمیتی نینگ اعلان قیلیشیچه، بو حاکمیت اندونیزیالیک بیر هیات‌نی میزبان‌لیک قیلماقده.
دیمک، اوشبو مملکت جمهور باشلیغی نینگ سابق اۉرین باسری یوسف کالا ییتکچیلیگیده بۉلگن بو هیات، طالبان رسمیلری جمله‌دن طالبان باش وزیری نینگ اداری اۉرین باسری عبدالسلام حنفی همده تشقی ایشلر وزیرلیگی نینگ سرپرستی امیرخان متقی بیلن اوچره‌شگن.
طالبان تامانیدن بو خصوصده بیریلگن معلومات‌گه اساس، اوشبو هیات اوچره‌شوولریده، طالبان و اندونیزیا ارا مناسبت‌لر یخشی‌لنیشی اورغوله‌نگن.
ارگ اۉزینی ایکس صحیفه‌سیده ترقه‌تگن بیاناتیده، اندونیزیالیک بو هیات، عبدالسلام حنفی بیلن بۉلگن اوچره‌شوویده، مملکتی افغانستان‌ده سرمایه یاتقیزیش‌گه تیار دېب، بیلدیرگن.
شونینگدېک ارگ بیاناتیده، اندونیزیا مملکتی تامانیدن، افغانستان یاشلری اوچون اوقیش بورسیه‌لری زمینه‌لری یره‌تیله‌دی، دېب معلوم قیلینگن.
طالبان شوندی بیرحالده بوندی بیر هیات‌دن میزبان‌لیک قیلماقده دیر که حاضرگه قدر بو حاکمیت‌نی هیچ بیر مملکت جمله‌دن اسلامی مملکتلر رسمی تَن آلگن اېمس.
