بیرلشکن ملتلر تشکیلاتی نینگ خوفسیزلیک کېنگشی تامانیدن، افغانستان خصوصیده بیر ییغین اوتکزیله‌دی.
بو ییغین جاری میلادی آی نینگ ایچیده بۉلیب اوتیشی بیلدیریلگن، بیراق بو ییغین انیق قیسی کون بۉلیب اوتیشی حاضرگه قدر بیللی اېمس.
بیرلشکن ملتلر تشکیلاتی تامانیدن ترقه‌تیلگن معلومات‌گه اوشبو ییغین‌ده، افغانستان‌ده بیرلشکن ملتلر تشکیلاتی نینگ نماینده‌لیگی یاده یوناما تامانیدن بجریلگن فعالیتلر تیکشیریله‌دی.
دیمک، بو ییغین‌ده یوناما باشلیغی رزا اوتنبایو و افغانستان مدنی جماعه‌چیلیگیدن بیر کیشی سۉزله‌یدی.
شونینگدېک، بو ییغین‌ده بیرلشکن ملتلر تشکیلاتی باش کاتبی نینگ انسان‌پرورلیک یاردملر بۉییچه اۉرین باسری مارتین گریفیتس هم صحبت قیله‌دی.
بیرلشکن ملتلر تشکیلاتی نینگ بو مقامی اوشبو صحبت‌لریده، افغانستان اوچون بۉلگن انسان‌پرورلیک یاردملر خصوصیده معلومات بېریشی معلوم قیلینگن.
