اۉزبېکستان‌لیک «کون.اوز» یېتکرمه‌سی ینگی‌لیکده بیر گزارش ترقه‌تیب، طالبان تامانیدن قوریله‌یاتگن قوش‌تیپه کانالی نینگ عاقبت‌لری خصوصیده توجه قره‌تگن.
بو یېتکرمه گزارشیده بیریلگن معلومات‌گه اساس، قوش‌تیپه کانالی آمو دریا سووی‌دن ۲۰ فایزنی جلب اېته‌دی. بیراق بو کانال‌ده ۳۰ الی ۴۰ فایز سوو اسراف بۉلیشی ممکن.
اۉزبېکستان‌لیک «کون.اوز» یېتکرمه‌سی، اوشبو گزارش‌نی قزاقستان مملکتی نینگ آلماتی شهریده یۉلگه قوییلگن اقلیم کنفرانسی دایره‌سیده تیارله‌گن.
بو کنفرانس اشتراکچیلریدن بۉلمیش طبیعی منبع‌لر و اقتصادیات مساله‌لری بۉییچه ایش بیلرمان ریکس بوش، بو توغریده کون.اوز یېتکرمه‌سی بیلن صحبت اوتکزگن.
ریکس بوش‌گه کۉره، طالبان‌نی اساسی قیینچیلیگی کانال‌نی قوریش اېمس بلکیم سوونی باشقیریش دیر.
اونینگ آرتیق‌لشیچه، قوش‌تیپه کانالی قوریلیشی آسان بیراق بو کانال آرقه‌لی سوونی باشقیریش قییند دیر چونکه سوغاریش تیزیملری کبی نرسه‌لرنی قوریش طالبان اوچون ۱۰ برابر قییند دیر.
مذکور گزارش‌گه اساس، طالبان تامانیدن قوش‌تیپه کانالیده سوو باشقیریلمه‌گنی باعث بو ییرده سوو ۳۰ الی ۴۰ فایز اسراف بۉلیشی کوتیله‌دی.
شونینگدېک بو گزارش‌ده، قوش‌تیپه کانالیده هرحالده اۉزبېکستان مملکتی زیان کوره‌دی دېب معلوم قیلینگن.
گزارش‌نی بیلدیریشیچه، قوش‌تیپه کانالی قوریلیشیدن کیین اۉزبېکستان ایریم منطقه‌لری جمله‌دن خوارزم و قره‌قلپاقستان آمو دریا سووی‌دن فایده‌لنیشینی ۵۰ فایز قیسقرتیریشی کپره‌ک بۉله‌دی.
