جرمنی مملکتی نینگ مانهایم شهریده، افغانستان‌لیک بیر فقرا تامانیدن، پولیس همده اسلام منتقدلریگه قرشی اویوشتیریلگن هجوم آرتیدن، بو مملکت رسمی‌لری مهاجرلرنی چیقاریش جریان‌نی قیته کوریب چیقیش‌لریدن خبر بېرگن.
اوشبو واقعه آرتیدن، جرمنی ایچکی ایشلر وزیری نانسی فایزر نینگ ژورنالیست‌لرگه ایتیشیچه: “جرمنی مملکتی خوفسیزلیگی اوچون خوف بۉلگن مهاجرلر بو مملکت‌دن تیزلیک بیلن چیقیشی کېره‌ک.”
دیمک جرمنی مملکتی، میلادی ۲۰۲۱ – ییل‌دن بۉیان که افغانستان طالبان قۉلیده توشگن، افغانستان‌لیک مهاجرلرنی چیقاریش جریان‌نی تۉخته‌تیب قویگن اېدی.
بی‌بی‌سی گزارش‌گه کۉره، افغانستان‌لیک فقرانی هجومی آرتیدن، جرمنی حکومتی تامانیدن مهاجرلرنی چیقاریش جریانی قیته باشلنیشی ممکن، شوندی بۉلگن تقدیرده انسان حقلری فعاللری اونگه قرشی واکنش بیلدیریشلری کوتیله‌دی.
ایتیش کېره‌ک که اۉتگن جمعه کونی جرمنی مملکتی نینگ مانهایم شهریده بیر کیشی اسلام منتقدلرینی ییغینی‌گه پیچاق بیلن هجوم قیلیب، بیر پولیس‌نی اۉلدیریش‌گه علاوه کمیده ۷ کیشی‌نی یره‌لنتیرگن اېدی.
ایتیلیشیچه، بو هجوم ۲۵ یاش‌لیک افغانستان فقراسی تامانیدن بجریلگن اېکن.
