هندوستان مملکتی سیلاوی نینگ یکونلی نتیجه‌سیگه کۉره، بو مملکت باش وزیری نریندرا مودی رهبرلیگیده بۉلگن «بهاراتیا جاناتا» حزبی، کوتیلگن‌دیک پارلمان چوکی‌لرینی اۉزیدن قیلمه‌گن، بیراق شوندی بۉلسه هم کېله‌سی حکومت باشیده ینه مودی توره‌دی.
هندوستان پارلمان نینگ ۵۴۳ اعضاسی جمله‌سیدن کمیده ۲۷۲ اعضانی اۉزیدن قیلگن حزب یکه‌لیکده سیلاو غالبی تانیلیب، حکومت قوریش‌گه سزاوار بولر اېدی، بیراق مودی نینگ حزبی اېسه یالغیز ۲۴۰ پارلمان چوکی‌سینی اۉزیدن قیلگن.
سیلاو نینگ بو نتیجه‌سی بیلن هندوستان باش وزیری نریندرا مودی باشقه بیرقطار حزبلر بیلن بیرگه‌لیکده ایتلافی حکومت قوریش‌گه مجبور بۉله‌دی.
گزارش‌لرگه کۉره، مودی حزبی شریکلری بیلن یرگه‌لیکده پارلمان چوکی‌لری جمله‌سیدن ۲۹۳ چوکی‌نی ایگه‌لگن.
انه‌شو باعث نریندا مودی، کېله‌سی حکومت‌نی ایجاد قیلیش اوچون، باشقه حزبلر بیلن مذاکره‌گه باشله‌گن.
ایتیش کېره‌که بو سیلاوده، هندوستان باش وزیری نینگ رقیبی راهول گاندی ییتکچیلیگیده بۉلگن حزب پارلمان‌دن ۲۳۰ چوکی‌نی ایگه‌لب، سیلاوده مغلوب بۉلگن.
هندوستان مملکتی نینگ بو دور سیلاوی قیرق کون دوام اېتیب، ۷ باسقیچ‌ده اوتکزیلدی و اونینگ نتیجه‌سی اېسه کمیده بیر کون‌ده بیللی بۉلدی.
بو سیلاو هندوستان‌ده شوندی بیرحالده اوتکزیلماقده دیر که بو مملکت‌ده جدی مذهبی تارتیشوولر یوز بیریب کېلماقده و اپوزیسون حزب، مودی نینگ اوشبو اتفاق‌سیزلیکلرگه قۉل اوریش‌گه عیب‌له‌یدی.
اوشبو کیلیشماوچیلیکلر تاثیری باعث، مودی نینگ حزبی بو دور سیلاوده قانقرلی نتیجه آلمه‌گن، چونکه مودی بو سیلاوده پارلمان چوکی‌لری جمله‌سیدن کمیده ۴۰۰ اۉریننی ایگه‌لش‌نی ریجهلشتیرگن اېدی.
