بیرلشکن ملتلر تشکیلاتی تامانیدن افغانستان خصوصیده اوتکزیلیشی ریجه‌لشتیریلگن دوحه اوچینچی دور ییغینی توغریسیده بیر قنچه افغانستان‌لیک سیاسی، حربی همده انسان حقلری جریان‌لری مشترک بیر بیانات ترقه‌تیب، اۉز تکلیف‌لرینی بیلدیردی‌لر.
افغانستان قوتقریلیشی اوچون ملی مقاومت کېنگشی تامانیدن ترقه‌تیلگن بو بیانات‌ده، دوحه ییغینی همده بیرلشکن ملتلر تشکیلاتی نینگ طالبان و افغانستان برابریده بۉلگن سیاستی خصوصیده بیش ماده‌لیک تکلیف بېریلگن.
اوشبو جریان‌لر بیاناتیده، دوحه ییغینیده افغانستان‌لیک برچه تامانلر نظرگه توتیلمه‌گن تقدیرده، بو ییغین طالبان‌گه امتیاز بېره‌دی دېب اورغوله‌نگن.
بو جریان‌لر، بیرلشکن ملتلر تشکیلاتی تامانیدن افغانستان بۉییچه مخصوص وکیل تانیشتیریلیشینی خوش قرشی‌لگن، بیراق بو مخصوص وکیل ایشلرینی برچه تامانلر مصلحت‌لری بیلن ایلگری آلیب کېتیشی تکلیف اېتیلگن.
شونینگدېک، افغانستان‌لیک بو جریان‌لر، طالبان نینگ افغانستان‌ده جاری یانده‌شوولریدن تنقید قیلیب، بو خصوصده بیرلشکن ملتلر تشکیلاتی تامانیدن توجه قره‌تیلیشی معلوم قیلینگن.
افغانستان‌لیک اوشبو سیاسی، حربی همده عیاللر حقلری بۉییچه تشکیلاتلر، افغانستان مساله‌سی سیاسی بیر جریان آرقه‌لی حل اېتیلیشینی مهم اوقیگن، بیراق بوندی بۉلمه‌گن تقدیرده اولر طالبان برابریده حربی تۉخته‌شگه هم تیار اېکنلرینی ادعا قیلگنلر.
