امریکا قۉشمه ایالتلری نینگ تشقی ایشلر وزیرلیگی، طالبان ایچکی ایشلر وزیرلیگی سرپرستی سراج الدین حقانی نینگ بیرلشکن عرب امیرلیگیگه بۉلگن سفری برابریده مناسبت بیلدیردی.
امریکا تشقی ایشلر وزیرلیگی نینگ سۉزلاوچیسی متیو میلر، اوتکزگن خبری بیر ییغینیده بو خصوصده فکر بیلدیرگن.
میلر گه کۉره، بیرلشکن ملتلر تشکیلاتی تامانیدن سفری تحریم اېتیلگن شخص‌لرنی مملکتلر میزبان‌لیک قیلمسلیگی کېره‌ک.
میلر همده، مملکتلر اوشبو شخص‌لردن بیرلشکن ملتلر تشکیلاتی نینگ ۱۹۸۸ قطعنامه‌سیگه اساس رخصت مکتوب‌لری بۉلگن تقدیرده، میزبان قیلسین‌لر دېب، عکس حالده اولرنی سفر قیلیشیگه رخصت بېرمسلیکلرینی سۉره‌گن.
ایتیش کېره‌ک که طالبان ایچکی ایشلر وزیرلیگی سرپرستی سراج الدین حقانی همده بو حاکمیت استخبارات باشلیغی عبدالحق وثیق، اخیرگی کونلر ایچیده بیرلشکن عرب امیرلیگیگه سفر قیلیب بو مملکت رهبری بیلن اوچره‌شگن اېدی.
