طالبان نظارتی آستیده بۉلگن افغانستان سیناولر ملی اداره‌سی نینگ ریجه‌سیگه اساس، بوکون پنجشنبه ۱۷ – جوزا، مملکت بۉیلب ۱۶ ولایتده کانکور سیناوی باشلنگن.
افغانستان‌ده بو ییل کانکور سیناوی، قیز اوقووچیلر حضورسیزلیگیده، بیش باسقیچ‌ده اوتکزیلیشی ریجه‌لشتیریلگن.
دیمک، بو ییل کانکور سیناوی نینگ بیرینچی باسقیچی بوکون باشلنگن و اوشبو باسقیچ‌ده، سمنگان، بادغیس، هرات، غور، میدان وردگ، لوگر، پروان، کاپیسا، پنجشیر، غزنی، پکتیکا، پکتیا، کنر، زابل، بامیان و نورستان ولایتلریده کانکور سیناوی باشلنیب، کېله‌سی اوچ کونگه قدر دوام اېته‌دی.
ایتیش کېره‌ک که بو ییل هم طالبان حاکمیتی، قیزلرنی کانکور سیناوگه قتنه‌شیشدن محروم قیلگن.
