بیرلشکن ملتلر تشکیلاتی سرپل ولایتیده، طالبان تامانیدن ۶۳ کیشی عامه حضوریده جزالنیشینی قاره‌لگن.
بیرلشکن ملتلر تشکیلاتی نینگ انسان حقلری بۉلیمی بیر بیانات ترقه‌تیب، بو خبردن حیرت‌لنگنینی معلوم قیلگن.
بیرلشکن ملتلر تشکیلاتی گه تېگیشلی انسان حقلری اداره‌سی، طالبان‌دن بو کبی جزالش‌لرنی تیزلیک بیلن تۉخته‌تیشینی سۉره‌گن.
عینی حالده، بیرلشکن ملتلر تشکیلاتی انسان حقلری کېنگشی نینگ افغانستان بۉییچه گزارشگری ریچارد بنت هم بو خصوصده خواطر بیلدیریب، طالبان نینگ بو قیلمیش‌نی قاره‌لگن.
طالبان اېسه حاضرگه قدر بیرلشکن ملتلر تشکیلاتی نینگ بو سۉزلریگه قرشی فکر بیلدیرگن اېمس.
بیراق بوندن ایلگری، طالبان بو خصوصده فکر بیلدیریش‌نی افغانستان ایچکی مساله‌لریگه اره‌لشیش دېب معلوم قیلگن اېدی.
طالبان بیرقنچه مراتبه حد و قصاص حکم‌لرینی عملگه آشیریش‌گه جدی اېکنینی معلوم قیلگن.
