تخار، مملکت نینگ شمال-شرقی ولایت‌لریدن بیری بۉلیب و کوپینچه اهالیسی محنتچیلیک، باغدارلیک و چارواچیلیک بیلن مصروف دیر.
تخار ولایتی ینگی‌قلعه تومنی «جلگه» قیشلاغیده اهالی کوپراق محنتچیلیک ایشلری بیلن مصروف یا که تورلی خیل میوه‌سی بولگن باغدارچیلیک ایشلری بیلن روز اوتکزه‌دیلر.
۷۷ یاشر حاجی شیرعلی، ۳۵ ییل دن بېری باغدارچیلیک ایشلری بیلن شغللنیب و بو یول آرقه‌لی عایله اعضالری نینگ تیریکچیلیک احتیاج‌لرینی تامینله‌یدی.
حاجی شیرعلی نینگ ایتشیچه: “بیزنی باغ‌میزده ییتیشتیریلگن آلو نینگ مزه‌سی افغانستان‌ده یۉق، بو ییرده ییتیشتیریلگن آلو کوپ تاتلی دیر، بیز ییل ایچیده کمیده ایکی یوز مینگ افغانی‌گه یالغیز آلو ساته‌میز.”
اوشبو باغدارلر گه کوره، باغ‌لریده تورلی خیل میوه بار، اوشبو باغ‌لر نینگ میوه‌لری ثور آی دن باشلب قیش اوللری گه قدر کېتمه-کیت پیشه‌دی.
بو باغدارلردن بیری شهاب الدین بوندی دیدی” بو ییرده باغ‌میزده تورلی خیال جمله‌دن تۉرت، آلو و انار میوه‌لر موجود دیر، بو میوه‌لرنی هر بیری تورلی زمان‌ده پیشه‌دی.”
بو باغدارلر گه کوره، باققه اساسی شکلده دقت قیلینگن حالده، باغ اېگه‌سی نینگ برچه احتیاج‌لرینی تأمینله‌یدی و بونگه قوشیمچه باشقه بیرقطار کمبغل کیشی‌لرنی هم قوللب-قوتلشی ممکن.
اوشبو باغدارلردن ینه بیری محمدیونس گه کۉره “بو ییرده هرخیل انار بار، بیزنی اوزیمیزنی بیرته انار باغ‌میز بار ایدی و هر ییل بیر موتر انار آلیب روزغارمیزنی اوتکزه‌یدیک، لیکن اخیرگی ییل‌لرده ساووق اورگن و هوا مناسبت اېمس.”
تخار ینگی‌قلعه تومنی جلگه قیشلاغی تاریخی قدامتی بولیب و کوپینچه اهالیسی دهقانچیلیک، چارواچیلیک و باغدارلیک ایشلری بیلن مصروف دیر.
