بدخشان ولایتیدن بۉلگن خبرلرگه کۉره، بو ولایت نینگ یفتل اولسواللیگیده اۉلیملی ترافیکی بیر حادثه یوز بېرگن.
بدخشان ولایتیده طالبان نینگ اخبارات و مدنیت ریاستی، اوشبو واقعه عاقبتیده تۉرت کیشی جان بېرگنی همده ۷ کیشی اېسه یره‌لنگنینی تصدیق‌لگن.
بو واقعه، اۉتگن کیچه یکشنبه، ۲۰ – جوزا، یفتل اولسواللیگی نینگ «دهن‌آب» منطقه‌سیده یوز بېرگن.
ایتیلشیچه اۉتگن کیچه ساعت ۱۰:۰۰ اطرافیده یوز بېرگن مذکور واقعه «لندکروزر» رسوملی بیر موتر یۉل‌دن چیقیب کېتیشی عاقبتیده صادر بۉلگن.
معلومات‌لرنی بیلدیریشیچه، بو موتر یۉلاوچیلری، راغستان اولسواللیگیدن بدخشان مرکزی فیض‌آباد تامان کېتماقده اېکن.
