بیرلشکن ملتلر تشکیلاتی نینگ خاتین-قیزلر بۉلیمی بیر گزارش ترقه‌تیب، ینه بیربار افغانستان‌ده عیاللر آغیر وضعیتیدن خواطر بیلدیرگن.
بیرلشکن ملتلر تشکیلاتی بو بۉلیمی تامانیدن ترقه‌تیلگن گزارش‌گه اساس، حاضر افغانستان‌ده خاتین-قیزلر مثالی بۉلمه‌گن آغیر ظلم‌لرنی باش‌دن کېچیرماقده.
بیرلشکن ملتلر تشکیلاتی نینگ خاتین-قیزلر بۉلیمی، افغانستان عیاللری احوالی‌گه ییتیشیش اوچون، دنیا هم‌جمعیتی تامانیدن تیزلیک بیلن چاره-تدبیر کوریلیشی طلب قیلینگن.
بو تشکیلات‌نی آرتیق‌لشیچه، افغانستان عیاللر ییل‌لردن بۉیان اېریشگن، یوتوق‌لرینی طالبان چیکلاولری عاقبتیده قۉل‌دن بېرگن.
بیرلشکن ملتلر تشکیلاتی نینگ گزارشی‌گه اساس، حاضر افغانستان‌ده ۱.۱ میلیون قیز مکتب باریش‌دن محروم دیر و شونینگدېک، ۱۰۰ مینگ‌دن آرتیق، عیال یوزیگه هم بیلیم یورتلر ایشیکلری یاپیلگن.
افغانستان‌ده خاتین-قیزلرنی خودکش‌لیکلری جمله‌سیدن، ۵۰ واقعه‌سیدن بیرته‌سی، اوقیش‌دن محروم‌لیککه باغلیق دیر.
باشقه بیر تاماندن، بیرلشکن ملتلر تشکیلاتی، افغانستان‌ده خاتین-قیزلر آره‌سیده امیدسیزلیکلر کوپه‌یگنیدن هم خبر بېرگن.
بیرلشکن ملتلر تشکیلاتی خاتین-قیزلر بۉلیمی بیلن صحبت اوتکزگن افغانستان‌لیک خاتین-قیزلر جمله‌سیدن، ۸ فایزی خودکش‌لیک قیلگن بیر عیال‌نی بیلگنینی تیلگه آلگنلر.
