بیرلشکن ملتلر تشکیلاتی انسان‌پرورلیک یاردملرینی هماهنگ‌لشتیریش اداره‌سی یا-ده «اوچا» افغانستان جمعیتی جمله‌سیدن ۲۳.۷ میلیون کیشی انسان‌پرورلیک یاردملرگه محتاج دېب اعلان قیلدی.
اوچا تامانیدن بیریلگن معلومات‌گه اساس، افغانستان‌ده آغیر اقتصادی شرایط باعث یاردم‌گه محتاج اوشبو کیشی‌لر جمله‌سیدن، ۹.۲ میلیونی باله‌لر دیر.
اوچا نینگ بیلدیریشیچه، طبیعی حادثه‌لر، قوریقچیلیک و ایچکی آواره‌لیکلر افغانستان‌ده قشاق‌لیک میزانی آشیشیگه باعث بۉلگن.
شونینگدېک، اوچا تشکیلاتی افغانستان‌ده طالبان تامانیدن خاتین-قیزلرگه قرشی یره‌تیلگن چیکلاولر اولرگه انسان‌پرورلیک یاردملر ترقه‌تیلیشینی توسیق‌لیک بیلن یوز مه یوز قیلگن دېب اورغوله‌گن.
اوچا تشکیلاتی، افغانستان‌ده انسان‌پرورلیک یاردملر ترقه‌تیلیشی اوچون بیرلشکن ملتلر تشکیلاتی چوکاتیده فعال بۉلگن یاردم بیروچی تشکیلاتلر بیلن کوپراق مالی یاردم بیریلیشینی سۉرهگن.
