بیرلشگن ملتلر تشکیلاتی‌نینگ افغانستان‌ده انسان حقلرینی کوزه‌تیش بۉییچه مخصوص گزارشگری ریچارد بنت، افغانستان‌ده انسان حقلری‌نینگ جاری وضعیتی خصوصیده ینگی بیر گزارش تیارلب نشر قیلدی.
بیرلشگن ملتلر تشکیلاتی انسان حقلری کېنگشی تامانیدن سه‌شنبه کونی ۲۲ – جوزا ترقه‌تیلگن اوشبو گزارش، طالبان‌نی ینه بیر بار انسان حقلرینی آیاغ آستی قیلگنلیکده عیبله‌دی.
بیرلشگن ملتلر تشکیلاتی مخصوص گزارشگری‌نینگ اوشبو گزارشیده، طالبان‌نی انسان حقلری برابریده‌گی سیاستی قاره‌له‌نیب، بو یانده‌شوونینگ کۉپینچه قربانلری خاتین-قیزلر اېکنی معلوم قیلینگن.
ریچارد بنت، طالبان‌نینگ انسانیت همده خاتین-قیزلرگه قرشی یره‌تگن چېکلاولری و یانده‌شوولرینی انسانیت اوچون یېریک بیر حقارت دېب قۉشیمچه قیلگن.
شونینگدېک ریچارد بنت، طالبان تامانیدن افغانستان خاتین-قیزلریگه قرشی بیر ظلم تیزیمی قوریلیب و عملگه آشیریله یاتگنیدن قتیق تشویش بیلدیرگن.
اوشبو گزارش، حاضر افغانستانلیک عیاللر دنیا هم‌جمعیتی تامانیدن اونوتیلگنی حقیده علیحده تاکیدله‌گن.
طالبان حاضرگه قدر بو گزارش تۉغریسیده فکر بېلدیرمه‌گن.
