خلق‌ارا یېتکرمه‌لر گزارشیگه اساس، اسراییل مملکتی، لبنان تامانیدن اۉنلرچه راکته بو مملکت تامان آتیلگنینی معلوم قیلگن.
ایتیلیشیچه، ایران اسلامی جمهوریتی بیلن یقین بۉلگن گروه‌لردن بۉلمیش لبنان‌لیک «حزب الله» گروهی اسراییل تامان کمیده ۱۶۰ راکته یوبارگن.
حاضرگه قدر بو تۉقنه‌شوو عاقبتیده اورته‌گه کېلگن زیانلر خصوصیده تۉلیق معلومات بېریلگن اېمس.
بو راکته‌لر شوندی بیرحالده یوباریلماقده دیر که اۉتگن کون اسراییل هوایی کوچلری نینگ هجومی عاقبتیده، حزب الله نینگ بیرقنچه جنگری‌لری جمله‌دن بیر قومندانی اۉلگن اېدی.
اسراییل هوایی کوچلری تامانیدن اۉلدیریلگن حزب الله نینگ اوشبو جنگری‌لری آره‌سیده، بو گروه نینگ بیر قومندانی هم بارلیگی معلوم قیلینگن.
بو خصوصده نشر اېتیلگن گزارش‌لرده، حزب الله نینگ مذکور قومندانی‌دن «ابوطالب» دېب آت توتیلگن.
