یقین شرق تدقیقات انستیتوتی تامانیدن طالبان رهبریتی و اعضالری توغریسیده تدقیقاتی بیر گزارش ترقه‌تیلگن.
اوشبو گزارش‌گه اساس، طالبان اعضالری جمله‌سیدن ۲.۸ فایزی اۉزبېک دیر.
یقین شرق انستیتوتی گزارش‌گه کوره، طالبان کابینه‌سیده، باش وزیر اۉرین باسری عبدالسلام حنفی و ایکینچیلیک وزیرلیگی نینگ سرپرستی عطاءالله عمری شامل ایکی اۉزبېک بار دیر.
اوشبو تدقیقات‌ده، طالبان نینگ کمیده ۱۲۰۰ اعضاسی آره‌سیده یالغیز ۲۸ اۉزبېک بارلیگی معلوم قیلینگن.
طالبان حکومتی مقاملری جمله‌سیدن، باش وزیر اۉرین باسرلیگی، ایکینچیلیک وزیرلیگی، مالیه و مهاجرلر وزیرلیگی نینگ معینیت‌لری، بیش ولایت حاکمی اۉرین باسرلیگی و تورت ولایت خوفسیزلیک قومندان‌لیگی اۉزبېکلر قۉلیده اېکن.
قالگن اۉزبېکلر طالبان حکومتیده، وزیرلیکلر یاده ولایتلرده حربی و ملکی ریاست‌لرده اېکن.
بو تدقیقات‌گه اساس، طالبان مالیه وزیرلیگی نینگ اۉرین باسری حاجی محمد ادریس (عبدالقهار ادریس) و مهاجرلر وزیرلیگی نینگ اۉرین باسری عبدالرحمن راشد اۉزبېک دیر.
طالبان محلی حکومتلریده اېسه، بامیان حاکمی نینگ اۉرین باسری محمد انس عزیزی، بلخ ولایت حاکمی نینگ اۉرین باسری نورالهادی ابو ادریس، جوزجان ولایت حاکمی نینگ اۉرین باسری نورالدین عمیر، سرپل ولایت حاکمی نینگ اۉرین باسری محمدنادر حقجو و سمنگان ولایت سابق اۉرین باسری عبدالمنان اسلمی اۉزبېک دیر.
دییرلی بو گزارش‌ده، بدخشان ولایت حاکمی نینگ اۉرین باسری محمدامین طیب هم کېلتیریلگن البته بو کیشی ایلگری لوازمی بیلن تانیشتیریلگن.
شونینگدېک، غزنی ولایت خوفسیزلیک قومندانی مخدوم عالم، فاریاب ولایت خوفسیزلیک قومندانی نیک محمد حذیفه، جوزجان ولایت خوفسیزلیک قومندانی حفیظ الله پهلوان و زابل ولایت خوفسیزلیک قومندانی صلاح الدین ایوبی اۉزبېک دیر.
عینی حالده، بو گزارش‌ده، سیدغیاث الدین آغا ناملی طالبان رهبری مصلحتچیلریدن بیری هم اۉزبېک دېب معلوم قیلینگن.
طالبان چوکاتیده‌گی باشقه اۉزبېکلر وزیرلیکلر یاده ولایتلر ایریم ریاست‌لریده اېکن.
بو جمله‌دن مذکور تدقیقات‌ده، طالبان نینگ مدافعه، ایچکی ایشلر، صناعت و سوداگرلیک، عامه منفعتلر وزیرلیکلری همده دارو و آزیق-آوقت اداره‌سی نینگ مطبوعات کاتبلری هم اۉزبېکلردن دېب بیلدیریلگن.
ایتیش کېرە‌ک که اوشبو تدقیقات‌نی بیلدیریشیچه، طالبان اعضالریدن ۹۰ فایز پشتون، ۵.۴ فایز تاجیک، ۲.۸ فایز اۉزبېک، ۰.۷ فایز هزاره ۰.۳ ترکمن و ۰.۳ بلوچ دیر.
