جوزجانلیک عیاللر اولرنی چیبر قوللری بیلن ایشلب چیقاریلگن قول صناعتی محصولاتلریگه ماس بازار تاپیلیشی و اولرنی ایشی قولب قوتلنیشینی خواهلهدیلر.
جوزجان ولایتیده قۉل صناعتی بیلن شغللنگن خاتین-قیزلرگه کوره، اوشبو قۉل صناعتلریگه ماس بازار برابرلنگن تقدیرده، ایشلری رواجلنیب، بو یۉل آرقهلی کوپلب عایلهلرنی کوندهلیک درآمدلری تامینلنهدی.
اوشبو عیاللردن بیری صبرینانی ایتیشیچه: “بیز بیلن یاردم بېریلسین، یاردم بیرووچی ادارهلر یاده نهادلر کېلیب بیزلرنی ایشمیز کوریب فخرلنیب، بیزنی قولب-قوتلهسین.”
جوزجانلیک بیرعیال قۉل صناعتنی ایشلب چیقاریش مقصد بیر ایشخانه ایجاد قیلگن.
مذکور ایشخانهده، اونلرچه عیالگه ایش زمینهسی یرهتیلگن و اولر تامانیدن ایشلب چیقاریلگن محصولاتلر درآمدی اولرنی عایلهسی اوچون حیاتی دیر دیدی بو ایشخانه مسووللری.
اوشبو ایشخانه مسوولی تمنا افشارگه کۉره: ” بو ییرده ۱۰۲ عیال ایشلهیدی، مقصدمیز بو که شو خاتین-قیزلر که اویلریده بیکار اېدی اولر اوچون بیر ایش زمینهسی یرهتیلسه و اولرنی اۉز – اۉزینی تامینلش امکانیتگه قۉل تاپسین چونکه حاضر شرایط آغیر عیاللرگه یالغیز سوداگرلیک بۉلیمی ایشلشگه رخصت بار.”
دیمک، افغانستانده عیاللرگه قرشی طالبان تامانیدن یرهتیلگن چیکلاولر باعث حاضر اولر اوقیشدن محروم شو باعث کوپلب خاتین-قیزلر قول صناعتی کبی ساحهلرده یوز کیلتیرگن.