امریکا مدافعه وزیرلیگی یا – ده «پنتاگون» بو مملکت افغانستان‌ده، ترورچی گروه‌لر جمله‌دن داعش‌نی تعقیب اېتیش‌نی دوام بېره‌دی دېب اعلام قیلگن.
یېتکرمه‌لرنی گزارش بیریشیچه، امریکا مدافعه وزیرلیگی سۉزلاوچیسی نینگ اۉرین باسری سبرینا سینگ بو مساله‌نی تیلگه آلگن.
سبرینا سینگ چهارشنبه کونی ۲۳ – جوزا اۉتکزیلگن خبری بیر ییغین جریانیده ژورنالیست‌لر سوراغیگه جواب بېریب، امریکا قۉشمه ایالتلری داعش کبی گروه‌لرنی افغانستان‌ده ایزلشماقده دېگن.
امریکا مدافعه وزیرلیگی سۉزلاوچیسی نینگ اۉرین باسری بو توغریده آرتیق‌چه تفصیلات بېرمه‌گن.
دیمک، بوندن ایلگری امریکا جمهور باشلیغی جوبایدن هم افغانستان‌ده ترورچی گروه‌لرنی باشقیریش اوچون بو مملکت‌نی باسیب آلیش شرط اېمس دېگن اېدی.
جوبایدن اداره‌سی نینگ گزارش‌گه کۉره، امریکا تامانیدن اروپا، جنوبی افریقا و هند شامل ایریم مملکتلر‌ده، افغانستاندن بۉلگن ترورچیلیک تهدیدلرینی باشقیریش اوچون علاحده کوچ اۉرنه‌تیلگن.
